Technical line hi career tha a ni em?

HSSLC result a chhuak fel a, kum dang ang bawkin Technical course hrang hrang zir tûr thlanna –Technical Entrance Examination (TEE) pawh neih a ni leh a. Zirlai mi 1700 chuang zetin exam an bei a, kumpui linglet-a lo inbuatsaih b^kah zirlai chhuak tharte n>n inelna sâng tak a ni. Thuneituten fel fai leh \ha, dik takin result an tichhuak tûrin i beisei teh ang.

Tlem lai deuh a\ang tawh khân, matric-a ti\ha, Science subject la chho zirlai thiam thei leh thluak \ha zawng zawng chuan Technical exam hi an bei deuh vek a. An passed rualpui Arts leh Commerce bâkah Technical-a tling ta lo leh a tlângpuia mark hmu \halo ten Graduate level an zir chho ve bawk a. Zir inangah Science subject hi a har zâwk bâkah, practical a tam avângin zirlai tan hunawl a tlêm a, a hmawr bâwkna- thawh hlawh erawh a inang! Teaching line lama kal phei chuan Science subject la hi Arts subject la-te aiin an hlawh a sâng chuang lo va, an hna thawh (work load) erawh a sâng zâwk, practical a awm avângin!

Technical mi leh sa leh Science subject la-te hi a tlângpuiin Sawrkar-a dinhmun \ha leh thuneihna neiah an awm lo va. MBBS, etc. leh BE zir hi a hautak leh a har ang hu hian Mizoram chhûnga thawk tur chuan hna nghet a tam lo. Sawrkar hnaah hian, thuneihna (power) leh hlawh (salary)-ah chuan luh inangah competitive exam bei-a tling chho- IAS, MCS, MJS, etc. te dinhmun a \ha zâwk. Hêng an pu/pi te hi an hunlaia an aia thiam lo deuh zâwk leh Science subject aia zirlai awl zâwk zir an ni tlângpui. Tûna kan kal danah hi chuan mi thluak \ha leh thiam tak takte hi, an aia thluak \ha lo zâwk, mah se lal zâwk si te hnuaiah an awm tihna a ni.

Kan thu tâwp nân chuan hei hi ni se: Technical line hi a \ha lo tihna ni lovin, Mizoram chhûnga thawh tho duh leh hlawh \ha, hna hmuh a awl tih avâng ringawt chuan theihtâwp chhuaha bawh huam huam chi a ni lêm lo, kan hnual leh si ang e. Mahse, kan tui zâwng a nih a phai lama hna thawh kan inhuam a nih chuan uar zêl ila, hmun danga hnathawk ngam tur pawhin intipaukhauh ang u.

HSSLC thleng Science subject (Mathematics tel thei se) lâk a, Graduate level-a Arts-a inletin, competitive exam bei tura rilru pe chunga lehkha zir chhoh hi Mizoram chhûnga hna thawh duh chuan a la \ha ber em aw, a tih theih. Zirlai thiam thei tak takte  hian inelna rilru pu chungin Central Service, State Service te hi bawh ila. Hna zawngin kan la exam leh dawn tho avângin keimahni subject la ngam ngei tûrin bul kan \an a ngai a ni.

[28.4.2011; Vanglaini-ah tihchhuah a ni]