MZU-ah Auto-ricksaw service se

      Aizawl khawpuiin a hmelhriat ve lem loh, mah se District dangin kan hmelhriat leh kan chhawr em em  chu ‘Auto-rickshaw service’ kan nei hi a ni. Khaw dang hi chu ka hre lo na a, Lunglei-ah hian a hman man hniam thei ber (minimum) hi Rs. 20/- a ni tawp mai a. Taxi dang nen a hman man inang thuak mah se, hmanhmawh thilah hman mai a lo awlsam nen, to ti tak chungin hman a ngai fo. Town bus service tamin zing deuh se tia duhthu han sam mai a awl. Heti ang khalh \henkhat hi chu lirthei dangte nena han insulpel nikhua pawhin fimkhur a ngai khawp mai. A pung zel a, kawngpui a zim  si; lirthei dang lo pung ve bawk nen, traffic jam harsa tak kan hlat ta lo!

      Auto-rickshaw service hi kan chhawr ṭangkai dan ngaihtuah hian, harsatna min thlen mai thei angin han lang bawk mah se, Aizawl khawpuiah ngei mai hian service ve se tih duhna ka nei tlat! Ṭul hrang hrang a vanga kan zirna inpui ber Mizoram University han tlawh nikhua hian auto rickshaw service hi a ngaihawm ṭhin.

      University bus nan loh ṭum te, kan chuan len ve loh emaw ṭumin City bus-a inhnawhin Ramrikawn kan han thleng thla a, chumi hnuah University panna tur ngaihtuah a ngai leh ṭhin.  Campus a lo lian tham a, School hrang hrang pawh pasarih (7) lai awmin, inkar hlat tak takah a awm darh a. Pisa (office) dawr duhin hmun khat maiah a lo awmkhawm vek si lo a; lehkhabuzem (library) leh Internet hmunpui (Computer Centre) te han tlawh mai turin kar a lo awm leh duai a. Hostel-te, Hall-te leh inentirna hmunte nen lah a inhnaihlo tl^ng hle mai bawk a. Lirthei tello chuan, ni sensa khawlum tak hnuaiah hah thikula vah hrep a ngai fo. Chuvangin, mi nawlpuiin kan ban ph^k- Auto rickshaw hi Chhangurkawn chin emaw, Ropaiabawk chin emaw thleng hian University zuk huam telin service ta se, hei hi a theih loh pawhin, Ramrikawn aṭang leh University campus chhungah tal service thei se la. Lirthei keng ve theilo tante leh, zirtirtu leh zirlaite tan pawh mamawh lam leh chetvel a awlsam zawk ngei ang. Mi tam takin eizawnna \ha tak an neih phah bawk ang. Eizawnna ṭha ṭhenkhat hi chu  han bawh huka intihchhiat tawn vek theih a nih avangin, service thei zat bituk erawh a \ul mai thei. Kan Zirna Inpui hi kan ram ro hlu a ni a, a panna kawng pawh hi lungawi lohna lantir kher ngai lova ṭha tak ni zel turin kan beisei.

[9.1.2013; Vanglaini-ah a chhuak as Mercy pa, Lunglei]