Mizoram Oil khur hmasa ber tur chu..Zofate kan inring tak tak em? - Hriata Chhangte

Tun hnai ah chanchinbu hrang hrang ah Mizoram a OIL laihchhuah mek anih thu leh engti fakauva lo tangkai pui ve thei tur nge kan nih … kan \hatpui tak tak lovang ..Central sorkar ta tur tih vel thawm chiang mang silova chiang tak taka sawi leh ziah a tam hle mai. Kum 20 kal ta a ONGC bawkin Bilkhawthlir leh Thingdawl bula an verh ( tuna mi ang thova Exploratory Drilling chu) ai kha chuan mipui pawhin kan tuipui ta hle niin a lang. Hei ngawt pawh hian kan hmasawn ve tawh zia a ti lang, ka lawm tawk chu ani tawh hrim hrim, mahse ka duhthusam erawh a ni lo tawp. Chu avang tak a he article hi lo piang a ni. 

Mipui mimir chuan ‘an ti ’ tih leh inti vengva deuhvin rinthu lo belha lo sawi kual ve mai bak chu tih theih kan nei tlat lo reng a. A ni reng a, Mizo mipuite’n he thu leh hla baka kan buaipui leh tui-pui tur subject a awm lo reng ani. Zofate history a thil pawi-mawh, glaring event tling ngei tur a ni. 

Aizawl Post tunhnai chhuak behchhan deuh khan lo tan phawt ila. Tuna Meidum khaw bula an exploratory drilling hi chu an survey chikim atang khan positive result/ beisei awm an hmuh zel avangin ‘khawnge a verh risk ngam e’ tiin an verh finfiah (prove) dawn chauh a la nih zawk hmel. La nghah leh hret chu a ngai dawn a, mahse kan dinhmun dik tak hrechiang tur hian rei lutuk chu nghah ngai tawh  lo turah ngai ang. Heng company te hian min duhsak huam huam avanga min rawn laihchhuahsak tum an ni lo tih hrereng bawk ila. An thawh chak leh chak loh chu kan lo welcome leh nawr kal thiam dana zirah a inghat ang. Sorkar mai bakah pawl leh mimal ang pawha kan lo tupui hle chuan an ri pawp pawp duh turah ka ngai. Kan ram chhunga oil/gas field awm-zia (quantity, coverage area, geometry thleng-in) chu tuna Exploration Licence an neih huam chhungah hian an han hrechiang thei turah ngai ila. Chutah commercial exploitation, laihchhuah tak tak tlak anih chuan Mining Lease/Permit kan state sorkar-ah an dil leh chauh ang. 

Tuna kan hriattur pawimawh em em zawk erawh chu Mizoramah hian Oil ai mahin Gas awm tura beisei san zawk a ni a. Gas leh Oil pawh a awm kawp mai thei bawk. Oil a awm chuan Gas a siamchhuah theih thova, Gas chauh a awm erawh chuan Oil siamchhuah a harsa thung ang. A thu hrim ah Oil emaw Gas emaw a kawp pawh lo nise tunah chuan Hydrocarbon deposits tih mai tur an la nia, Gas a awm chuan gas field kan ti ang a, Oil a awm chuan Oil field kan ti dawn mai zawk a ni. Oil/gas hi tui li luau angin an awm lo tih hria ila, an awmna (insiamna lung formation rock emaw, an pem-khawmna lung Cap rock/reservoir rock) kaw chek chek (pores) karah far te reuh te te (droplet or thin film) in an awm zawk tih hriat sak ve mai mai phawt ang u. Chung ho tawm-tin-ten chu formation pressure nasa tak (a thuk poh leh formation pressure hi na tur a ngaih a ni. Mizoramah hian metre 30000-5000 bawr vel laia thuk verh ngai tura ngaih a nih avangin zuk verh thlen ve leh khan zero pressure kan zuk siam ta a, chumi pressure imbalance avang khan  an rawn inkhawh chhuak puat puat  thei thin zawk a ni. 

Tun hnai Aizawl Post chhuak sawi-fiah tumna a ni bawk a, Oil chanchin hrim hrim sawifiah tumna a la ni hrih lo tih hria ila,  a karkalak deuhvin kan sawi kual ang.  Kan hriat tawh ang khan heng Mizorama rawn dak chhuak ve ho Oil company-te hi India ram chu sawi loh khawvel huap pawha zahpui awmlo tak tak an ni hlawm. ONGC a ka lo thawh ve tawh vang pawh ni chuang lovin he company phei hi chu khawvel huap pawha Oil zawn leh verhchhuah (Exploration and Production) ah phei chuan 3rd best Comapany (Platts 250 Global Energy Companies List for the year 2009) leh Fortune Global 500 -ah pawh lang phak ngat an ni a. ONGC Videsh Ltd. (OVL) an tih, ONGC peng pakhat phei chu Indian Multinational company lian ber leh chang tlung ber a ni pawp. Khawvel ram 15 vel ah Oil & Gas zawn/laihchhuah project 40 chuang zu han nei a. Mizoram a an drilling rig (exploratory) ang chi, khawmual a verh chi 70 vel, tuipui chhunga verh chi 10 chuang, chu bakah oil/gas laihchhuah hnu a, laihchhuahna khur (production well) han sawisak velna tur Work-over rig 60 chuang nei ve ngat kha an ni ve reuh va. 

Chuvang chuan helai kan Mizoram a hna an thawh ve tak avanga an generator set chhe te te emaw ETP (effluent treatment plant) lam han chalai thiam loh ngawt ang chi kha chuan ka lung a ti chhe deuh tlat. Tin, drilling mud pawh hi oil base emaw water base an hman leh hman loh tur chu kha leilung formation pressure-ah khan a innghat zel dawn a. A chhung tak tak kha an la hmuh bik loh avangin formation pressure counter balance tur khan a tul angin an drilling mud density (tih chhah leh pan vel) kha an duang zel zawk dawn a ni. ONGC engineer te hian kha lam kha chu an englo then vena lam anih avangin an hre thaw khat turah lo ngai teh u. Kha mi counter filling tih fuh loh vang khan alawm blow-out an tih oil/gas khur kang te pawh a awm fo thin. En dik reng ngai thil a ni. Water base emaw oil base tur lo tih lawk ngawt theih a ni lovang. Mizoram Pollution Control Board hnena an tih bawlhhlawh an thenfai \hat leh loh palh thil thu-a security deposit cheng nuai 50 vel lo hmuh tai tir viau ngawt te kha a nep lutuk. ONGC len zia ka sawi ve thinah chuan oil company-a thawk ve lem oil far khat pawh hmu lovin a pension theih, ONGC-ah chuan hna a’n tam mai mai khawp a, sek ve hrim hrim atanga scientist thlengin hna a awm tih ang vel a ni. Kan nau a thawk ve a, in in hria em tih mai mai chi a ni lo. I pawm thiam ang u. Chaw no khat ei theuh theuh tih ngawt ang kha a dik tawh lo. 

Vawi khat chu Shimla-ah Delhi a\ang -in kan thiante nen bus-in kan kal a. Helai, Greater Himalayas tlang len zia leh khawk-rawk zia te ka han hmuh a, chumi kara BRO hovin National Highway an siam len zia leh gradient (awihtlan) nuam tawka an siam theih tho zia chu kan thianpa, Bampal-a, Uttarkhand mi hnenah chuan ‘Bampal, kan ramah chuan heng BRO /BRTF ho tho hi an thawk si a, kan tlang ram leilung (Lesser Himalayas) lah chu helai ai chuan kawng siam nan a awlsam fe zawk si a, eng ngati nge kawng hi an va nei tha bik ve?’ ka tih chuan,  ‘Central Government Organization reng reng chu an thawhna state sorkar smart leh smart lohvah an hnathawh standard a innghat mai alawm’  a ti awlsam then mai.  Ngaihtuahna a tiharh kawk a,  a dik hmel ka ti hle bawk.  

Chuvangin heti zawng hian tun atan chuan ngaihtuahna I hmang chhin dawn teh ang. (a tul chuan hun dangah la sawi chho zel tho ila). Kan ram a oil company rawn chuang chhuak ho hi mal beih (single independent company) nilovin Consortium of companies/ Multi National Comapany kan tih ho ang hi an ni vek hlawm a. A hming lar leh pu-tu berte heng - ONGC (hmar block), Oil India Limited (ramlai block, kan khaw lam ti ve ngat ang, hriatthiam zawk nan) leh Reliance Industries Ltd (Chhim block) hote hi tu State sawrkar emaw Political party bik kohchhuah an ni thlawt lova. India leh khaw-vel pum huapa oil field thar hmuhchhuah tur  alo tlem tak tial tial avangte, kan oil field neih sa te an lo tar tawh avang te (hetia oil khur, production well ah hian mahni chakna, natural drive hmang hian 30% bawr chauh inphuh chhuak thei a ngaih niin, a dang zawng chu Stimulation Methods (ONGC ka thawh lai a ka englo then venna lam subject ni ve khauh) chi hrang hrang hmanga fawh/ thlem (stimulate) ngai an ni. 

Tin, local geology leh pakla hisap hmanga (Burma/ Bangladesh/Assam/Tripura kan thenawm te) chhut pawha awm ve thei ngei tura ngaih (highly prospective zone) kan nih tlat avangin NELP (New Exploration Licencing Policy) an  hman tan phat atang khan oil company ho kha an rawn ri hak reng anih kha. Keini Mizo ho hi kristian kan nih vang emaw, kum 20 chhung rambuai kan lo nih tawh vang emaw, TAWNGTAI KHAWL nei bik ram  kan nih vang emaw pawh ni chuang lovin, business investment  perspective atanga TIHTLAK thawkhata kan ram an rawn hmuh vang mai a ni. Heng oil company te hian nakin-ah pawh kan ram oil/gas deposits chu commercially viable project angin hmu chho lo mahse tuna an exploration activities (zawn buai chhung leh kaih-hnawih) a tan hian an budget pumpui 30-40% an dah ngam hrim hrim tih hria ila. A dawhthleng lam kha lo siam thiam ve vat zawk ang. (dawhthleng chi hrang hrang, direct leh indirect tam tak kan la sawi ang nakin-ah ) Tuna Hriata Chhangte, Serchhip khua, mining engineer, ONGC ah pawh lo irh ve pap pap tawh ka nihna anga ka thin lo ti phu dep dep-tu ta ber chu…. Chutia an han tan dek dek atanga environmental norms chu han pal zut/zah lo ngawt nge, kan officer thil ti thei ho pawh chuan engatinge ONGC hi lo hrethiam rawh u an lo tih nghal ngawt… lo ti ta tak tak pawh nise, Mizoram leh hnam tana inghahna lian tha leh pawi-mawh tur a ni tih an hmuh fuh vanga an hnathawh kal zel lo tih thuanawp an hlauh zawk vang turah ka’n ngaihsak loh thei lova, nilo turah phei chuan ka ngaihtuah ngam lo hrim hrim a…generator an neih te chu eng a ti nge duh leh Z shape pawha an phuh chhuah tir mai loh… engemaw ti takin min rawn Nu-Thuri zuam ngawt elo ? Nge kan lo welcome danah kan lo dawrh zau deuh lutuk? Kan sih hnip hmel lutuk deuh ani lo maw? MIZO KRISTIAN kan nihna Eng pawh chu an rawn hmu fiah ve vak na nge ? I fimkhur teh mawlh ang u… 

Leilung hausakna lam (mineral based) industry hi zawng, a ril ruih mai a, a Pathian thu ruih mai asin. Industry dang leh sumdawnna danga tu-te emaw siamsa lo commission vel ang ngawt kha a ni lo. A raw material a\anga processed/ finished products thlenga kan ram chhung thil ni thei ani.. Phur awm si, huphurh awm bawk si ani… kan inring tak meuh em? Corporate Social Responsibility (CSR) chhenfakawm tak tak local area development-na tur leh Royalty chu chiang sa, (Oil emaw eng mineral pawh nise state sorkar ta ani tih kan sawi zing tawh… kan ta ni lo se, royalty min pekna tur chhan a awm lo. Central sawrkar chuan India ram pum anga kan mamawh tlan anih zawk mai vangin REGULATION and DEVELOPMENT lam te chauh subject kha a challai  mai dawn zawk ani. Constitution of India a Union List , entry 54, 56 vel kha han bih chiang mah teh ? Ownership dik tak neitu chu Govt. of Mizoram ani tih chiang ila, mahni ta ni ta fam chu kan duhdan te pawh kan sawi huai ve ang chu…) 

Kan oil company te hian kan din-hmun han chiang tak tak phawt se. Chumi a tan chuan full support pek tha ka ti thung .. avang chu kan oil/ gas field te chu Burma, Assam, Bangladesh, Tripura tih vel nen kan lo intawm reng em, nge kan nei hrang fel nalh tih te chian vat vat a tul. Helai hnaiah Assam leh Nagaland-in oil field thenkhat an intawm nia hriat a ni.  Nagaland buai (an inti Article 371A nei bik vel lutuk a..)  avangin Assam chhung  Jorhat bawr vel atangin fawp chhuak tluk tluk …crude oil ah Made in Nagaland or Assam tih chuang tawh silo, Nagaland sawrkar pawn ONGC an be tlawn leh mek. An Article 371A hi an ropui pui lutuk bik thei lo,  an awhawm bik miah lo tih hi in phal chuan pulpit ah pawh ka sermon ngam. Iran leh Irag pawh chuti lamtluang an zawh. Geo-politics lam sawi chuan kan thiante US of America khu an lo phe ve vat zel, an man tlat. Oil field boruak zir chiang tur hian kan thenawm state, hnai te-ah a awm, kan ram hruaitu-te leh concerned department officer te an feh chhuak tawh em? Thil hriat loh zawng neih hi a pawi lo, hre silo in tih hriat hi a pawi duh khawp zawk… ram leh hnam tan I zir chiang sauh sauh ang u. Sokar lam a satel chuan NGO leh Media lam I sazu-pui ve thung ang u.. kha le… Mizoram Oil khur hmasa ber tur chu…

Written by Hriata Chhangte, B.Tech ( Mining Engg.), LL.B, Sr. Asstt. Controller of Mines, Bangalore Ex- Ass: Friday, 26 August 2011 14:35