KṬP Day kan lawm sual em?

Mizorama ṭhalai pawl lian ber zinga mi Kristian Ṭhalai Pawl (KṬP) hian kumtin February ni 22 hi ‘KṬP Day’ tiin Kohhran leh khawtlang t^na thil ṭha tih nan hun kan hmang \hin a. A din kumah kum 1954 pawmin kum 2004 khan Golden Jubilee ropui takin kan lawm tawh bawk. Inkh^wmpuiin ngun taka a ngaihtuah hnuah, thuziak pawimawh awm angte behchhan chunga heti anga pawm tak zel hi a ni a, chang dang han rel leh pawh a inthlahrunawm viau mai.

            K|P Golden Jubilee Souvenir ‘KṬP Lamtluang’ phek 6-naah chuan ‘KṬP din ṭan ni tak chu November 27, 1953 hi a ni e’ tih a inziak a.
He thuziak ṭan chhan (document) chu February ni 25, 1954-a Secretary hmasaber Zokhumi, B.A. (Hons)-in Pastor bial hrang hrang hn>na K|P din thute, Synod Standing Committee -in a pawmpui thu te bakah, Constitution an duan lo thlir ve tur leh kum 1954 September thlaa General Conference hmasaber neih turah khaw tinin palai 2 intir ṭheuh tura ngenna thu a siam aṭangin a ni.

A din zana tel ve leh a din dan hrechiangtu la dam awmchhun, Rev. Thangpuiliana chuan kum 1953 November thlaa din a nih ngei thu hi a sawi chian theih bakah, Rev. Owen-a thuziak ṭanchhan pakhat atana hmangin Kristian Tlangau-ah  ‘Kristian Ṭhalai Pawl Din Kum leh Din a nih dan’ tih a ziak bawk a. Ani hi kum 1954-ah chuan Cherra lamah L.Th zir t<ra a kal chhunzawm leh a vangin, zirna lam kum nena inhne reng chu a pawmpui awm hle. KṬP din tura inrawnkhawmna hmun Teachers’ Training School-a zirtirtu Upa C. Rokhuma chuan, kum 1953-ah School-ah hian a tawh ṭan avangin, a hriatpui ve thu a sawi bawk. {Missionary dangte tiamin Rev. O.W. Owen rawngbawlna report ziahna bu ‘Reports of the Foreign Mission of the Presbyterian Church of Wales on Mizoram 1894- 1957’ (SLPB: Aizawl, 1997) tih Rev. K. Thanzauva ziakah chuan kum 1953 November thlaah K|P din a nih thu a chuang a. Synod 1953 Gen. No. 2-na chuan ‘Kristian Ṭhalai Pawl (KṬP) an lo indin  ta a; he pawl hi Rev. O.W. Owen-an lo ho zel sela kan ti’ (S. L.C. Book No. 9, p. 51) an lo ti bawk.}

            KṬP din lai hian Pi Zokhumi hi B.A. (Education) chhuak hlim a ni a, P.U (Science) zo a nih bawk avangin, zirna lamah a buai hle bakah training-a a kal chhuah fo avangin, KṬP Committee mumal tak an neih tam loh thute, leh tunlai anga felfai taka Committee Minute a ziah ngai loh thu a sawi a. Meeting-a ka tel ve chiah lohah pawh ‘sign rawh’ an tiha ka sign chawp leh pawh a awm ka ring, a ti a. Rev. O.W. Owen-a khan \halai rawngbawlna a tui em avangin, inkawmhonaah chuan ṭhalai hmalak dan tur a sawi tam ṭhin hle niin a sawi. Pu Owen-a hi kan rama Students’ Christian Movement dintu a ni bawk. T<na KṬP Day at^na pawm tak February 22 hi K|P Committee hmasaber neih hun a ni a (Minute bu a\angin), Synod Standing Committee-in KṬP din hi February ni 16, 1954-ah a pawmpui a, hemi hnua Committee hmasaber a ni bawk. He minute-a Secretary hming ziaktu (Pi) Zokhumi hian 30.IX.54 (September ni 30)-ah a sign hnan chauh thung. February ni 22 hi Committee hmasaber ni lo anga a lanna a awm bawk a, an thurel zingah Constitution thubelh tih a awm a; hemi hma hian pawl a ding tawh a, meeting pawh an nei tawh tih a rin hriat theih. Hemi hnu hi chuan Committee Minute pawh ṭha taka vawn a ni ta a; kum 1954-ah hi chuan p^wl kalphung a mumal chho ta hle, ti ila a sual lo ang.

            KṬP Day kan hman m>k hi kum 1971 aṭanga hman ṭan a ni a. Feb. ni 23-26, 1989 chhunga KṬP General Conference, Khawzawl Venglaia neihin February ni 22, 1954 hi KṬP din ṭan hun atan a pawm a. Synod Executive Committee-in KṬP Day hi a nemnghet bawk. Heng hunlai hi KṬP din ni November ni 27, 1953 lanna thu Pi Zokhumin “Pastor Bial ‘Kristian Ṭhalaite’ hnena lehkha thawn” a ziak hmuh chhuah hma kha a ni thung. Document hmuh chhun ang behchhana KṬP Day atana hman tak mai pawh hi a awm ve thei tho mai a. Mahse, Committee neih hun ni si ‘KṬP Day’- KṬP din hun a ni e tia lawm leh sawi hi chu lem a sak deuh \alh mai a, hmin tum luih a ngai deuh roh! Document rintlak awm ta chu Inkhawmpui leh Committee sangte hian thlak leh mai a harsat viau lo’ng chu maw!? Thil nihna dik tak duh tlan hi chuan, tihsual palh leh chianglo hi chu pawm zui zel a harsa tawh \hin si a.

            K|P-ah hian member an ṭhahnem a, hmalakna an ngah bakah, an chetvelna hian khawtlang leh ramah nghawng a nei lian hle mai a. Zirbingmi (Researcher) tan pawh han zir chian chakawm tak a ni thuai ang. Kan chanchin hi a pawr lutuk loh nan, Inkhawmpui leh Committee-te pawhin chul m^m lehin, kan mi hmasate leh, a din lai pawha awm ve ngei mai nau vei ang maia hun diklo kan hman veitu Rev. Thangpuiliana pawh a zahawm e; kum za em pawh kan la hmang ve lo bawk a siamṭhat mai hi i hreh lo teh ang.

            Thil bik hi chu Kohhran history leh lehkhabu hrang hrangah ziakin a lo awm nual tawh a, siamṭhat a harsat tawh bakah han pawm thar leh hnuhnawhte hi a har tawh ṭhin si a. Chhuan lo awm zel tur tan pawha rintl^k leh behchhan tlak kan nih zel theih nan, Inkhawmpui leh Committee sang-a rorela telte fimkhur leh taimak pawh a ṭul hle a ni. He thuziak hian mimal leh pawl ang pawha ziaka thil dahṭhat kawngah hma min sawntir bawk se, kan hl^wk tlang thei ang.

[Biangbiakte:- Rev. Thangpuiliana, Pi Zokhumi, Rev. Sanghnuna, Upa C.Rokhuma, Minister \henkhat leh Central KṬP hruaitu hluite]

on 19.2.2013 & published at Vanglaini